ԱՐԵՒԵԼԱՀԱՅԵՐԷՆ

Թուրքիայում լրատվամիջոցներին ուղղված ճնշումները գնալով մեծանում են։ Սրա հետ կապված մի խումբ լրագրողներ նոր նախաձեռնություն են սկսել։ Նախաձեռնությունը, որը կրում է «Ես լրագրող եմ» խորագիրը, լոգո-արշավ է սկսել։ Նշված լոգոն օգտագործվելու է թերթերում և լրատվական կայքերում։

Ըստ հոկտեմբերի 10-ին Անկարայում տեղի ունեցած ահաբեկչական հարձակման առնչությամբ պատրաստված մեղադրական ակտի տվյալների՝ Յունուս Դուրմազի՝ պայթյունն իրականացրած մահապարտի համակարգչում հայտնաբերվել են տեղեկություններ ամբողջ Թուրքիայի տարածքում գտնվող եկեղեցիների մասին, ահաբեկիչը նաև տեղեկություններ է հավաքել ալևիներով բնակեցված տասնյակ գյուղի և մշակութային կազմակերպության մասին:

Ստամբուլի «Աթաթուրք» միջազգային օդանավակայանի արտերկրյա թռիչքների բաժնում երեկ երեկոյան որոտացած պայթյուններին զոհ է դարձել 41 մարդ, առնվազն 239 հոգի վիրավոր է։

Այսօր երեկոյան Ստամբուլի՝ Աթաթուրքի անունը կրող օդանավակայանի միջազգային թռիչքների բաժնում երկու ուժգին պայթյուն է որոտոցել: Պայթյուններին հաջորդել են կրակոցներ: Նշվում է , որ պայթյունի հետևանքով վիրավորներ կան: Դեպքի վայր են տեղափոխվել մեծ թվով ոստիկանաան և շտապօգնության խմբեր:

Թուրքիայի «Ժողովրդա-հանրապետական» կուսակցության՝ Միգրացիայի և փախստականների հարցերով հանձնաժողովը հրատարակել է զեկույց՝ «Սահմանների միջև մարդկության դրամայից մինչև մարդկության քննություն» վերնագրով։ Զեկույցն անդրադառնում է նաև Թուրքիայում ապաստան գտած ոչ մահմեդական փախստականների հարցերին․ «Թուրքիայիում դժվար է փախստական լինել․ ոչ մահմեդական փախստական լինելն էլ ավելի դժվար է»։

Թուրքիայի Արտաքին գործերի նախարարությունը դատապարտել է կաթոլիկ աշխարհի հոգևոր առաջնորդ Ֆրանցիսկոս Պապի՝ Հայաստան կատարած այցը և այցի ընթացքում կատարած հայտարարությունները։ Նախարարությունը պնդում է, որ Ֆրանցիսկոս Պապը «կրոնական հիմքով խտրականություն» է իրականացրել և որ այցը «Հարավային Կովկասում խաղաղության և կայունության հաստատմանը որևէ կերպ չի նպաստել»։

Հունիսի 23-ին Ստամբուլի 14-րդ ծանր հանցագործությունների գործով դատարանում շարունակվել է Հրանտ ինքի սպանության գործում մեղադրվող պաշտոնյաների քննությունը։ Պաշտպանական խոսքով է հանդես եկել Տրապիզոնի հետախուզության բաժնի տնօրեն Էրջան Դեմիրը։

Հայ համայնքի տարբեր շրջանակներից բաղկացած մի խումբ Պոլսո հայոց պատրիարքարանի դիմաց բողոքի ակցիա է իրականացրել՝ պահանջելով իրականացնել պատրիարքական ընտրություններ, որոնք արդեն 8 տարի չեն իրականացվում։ Պատրաիարքարանի դիմաց սև ծաղկեպսակ է դրվել։

Թուրիայի Իգդիրի Թուզլուջա (պատմ․ Կողբ) շրջանի մուտքի և ելքի կամարներին թուրքերեն, անգլերեն, քրդերեն և հայերեն քառալեզու «բարի եկաք» և «ցտեսություն» գրություններն էին տեղադրվել։ Կամարների հայերեն գրություններն ապամոնտաժվել են։

Հրանտ Դինքի սպանության առնչությամբ դատավարության երկրորդ օրը՝ հունիսի 21-ին, սպանության ժամանակ Տրապիզոնի հետախուզության աշխատակից Մուհիթին Զենիթի հարցաքննությունը շարունակվեց։ Զենիթ․ «Ես՝ որպես աշխատակից, գրել եմ՝ սպանվելու է։ Երբ զեկույցը բաժնի վարիչին է ուղարկվել, Էնգին Դինչը և Օզքան Մումջուն ձևափոխել են այն»։